37-ամյա տղամարդը խուլիգանության կասկածանքով ձերբակալվել է
![37-ամյա տղամարդը խուլիգանության կասկածանքով ձերբակալվել է 37-ամյա տղամարդը խուլիգանության կասկածանքով ձերբակալվել է](/timthumb?src=/resources/police/img/news/big/1721741852-8629.jpeg&q=75&w=780&wm=1)
Հուլիսի 23-ի գիշերը, ժամը 3.30-ին, ՆԳՆ ոստիկանության օպերատիվ կառավարման կենտրոն է զանգել Ռուբինյանց փողոցի շենքերից մեկի բնակչուհին և հայտնել, որ ավտոտնակների մոտ կրակոց է:
Ոստիկանության Քանաքեռ-Զեյթունի բաժնից նշված հասցե օպերատիվ խումբ է մեկնել:
Պարզվել է, որ Ռուբինյանց փողոցի շենքերից մեկի 37-ամյա բնակիչը «Մակարով» տիպի գազային ատրճանակը լիցքաթափելու ժամանակ կրակոցներ է արձակել:
Քրեական հետախույզները ժամը 4.55-ին 37-ամյա տղամարդուն Դավիթ Անհաղթի փողոցում հայտնաբերել, խուլիգանություն կատարելու կասկածանքով ձերբակալել և տեղափոխել են Քանաքեռ-Զեյթունի բաժին: Բաժնում նա հայտնել է, որ գազային ատրճանակը ավտոտնակում կայանված իր մեքենայի մեջ է, և պատրաստ է այն ներկայացնել:
Տղամարդը և կազմված փաստաթղթերը ներկայացվել են քննչական բաժին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: