Ընդունելություն ՀՀ ոստիկանությունում (ՏԵՍԱՆՅՈՒԹ)
![Ընդունելություն ՀՀ ոստիկանությունում (ՏԵՍԱՆՅՈՒԹ) Ընդունելություն ՀՀ ոստիկանությունում (ՏԵՍԱՆՅՈՒԹ)](/timthumb?src=/resources/police/img/news/big/1485872295,7248.jpeg&q=75&w=780&wm=1)
Հունվարի 31-ին ոստիկանության շտաբի պետ, ոստիկանության գնդապետ Հովհաննես Քոչարյանն ընդունեց Հայաստանի Հանրապետությունում ԱՄՆ դեսպանության թմրամիջոցների դեմ պայքարի և իրավապահ համագործակցության բաժնի իրավապահ հարցերով ավագ խորհրդատու Ադի Հոլովեյին:
Ողջունելով հյուրին՝ Հովհաննես Քոչարյանը կարևորեց ոստիկանության և ՀՀ-ում ԱՄՆ դեսպանության միջև առկա համագործակցությունը, հատկապես՝ թմրամիջոցների ապօրինի շրջանառության, թրաֆիքինգի, հասարակական կարգի պահպանության, ընտանեկան բռնության և այլ ոլորտներում, և շնորհակալություն հայտնեց մշտապես ցուցաբերվող աջակցության համար:
Հանդիպման ընթացքում ներկայացվեցին համագործակցության շրջանակներում մինչ այժմ կատարված աշխատանքները, առաջիկայում նախատեսվող միջոցառումները և քննարկվեցին այն հիմնական ուղղությունները, որոնցով դեսպանության անմիջական աջակցությամբ կիրականացվեն մի շարք միջոցառումներ:
Հյուրերի կողմից արվեցին մի շարք հարցադրումներ, որոնց տրվեցին սպառիչ պատասխաններ: