Ուսումնամեթոդական հավաք՝ ոստիկանության զորքերում (ՏԵՍԱՆՅՈՒԹ)

Ոստիկանության զորքերի 2017 թ. պատրաստության պլանի համաձայն՝ հունիսի 8-ից 9-ը անցկացվեց ուսումնամեթոդական հավաք՝ ՈԶ զորամասերի և ստորաբաժանումների հրամանատարների անձնակազմի հետ տարվող աշխատանքների գծով տեղակալների հետ:
Ուսումնամեթոդական հավաքի ղեկավար՝ ոստիկանության զորքերի հրամանատարի անձնակազմի հետ տարվող աշխատանքների գծով տեղակալ, գնդապետ Հայկ Բաբայանը ներկայացրեց միջոցառման նպատակները՝ կատարելագործել մասնակիցների տեսական գիտելիքները և գործնական հմտությունները, զինվորական ուսուցման և զինվորական դաստիարակության աշխատանքների մասին գիտելիքները, նպաստել գաղափարադաստիարակչական պատրաստություն և հասարակական-պետական պատրաստություն առարկաների արդյունավետ մատուցմանը, ինչպես և հարստացնել սպաների գիտելիքները, բարձրացնել մասնակիցների կարողություններն ու հմտությունները անձնակազմի հետ տարվող աշխատանքները կազմակերպելու և ղեկավարելու գործում:
Դասախոսությունն անցկացվեց տեսաֆիլմի ուղեկցությամբ:
Հավաքների ավարտին անցկացվեց ստուգարք: