48-ամյա տղամարդը իրավապահներին է ներկայացրել ապօրինի պահվող հրացան և փամփուշտներ

Համայնքային ոստիկանության Վարդենիսի բաժնի ծառայողները օպերատիվ տեղեկություն էին ստացել, որ Արմավիրի մարզի Արևշատ գյուղում բնակվող 48-ամյա տղամարդը Վարդենիսում գտնվող հայրական տանը ապօրինի զենք-զինամթերք է պահում:
Նախաձեռնվել է քրեական վարույթ, որի շրջանակում նշված հասցեում կատարված զննության ընթացքում 48-ամյա տղամարդը անասնագոմից իրավապահներին է ներկայացրել 16 մմ տրամաչափի մեկփողանի որսորդական հրացան և ինքնաձիգի 7,62 մմ տրամաչափի 22 փամփուշտ:
Կազմված փաստաթղթերն ուղարկվել են Վարդենիսի քննչական բաժին։