Իջևանի ոստիկանները խուզարկությամբ ապօրինի հրազեն են հայտնաբերել

Հարուցված քրեական գործի շրջանակում, դատարանի որոշմամբ, ոստիկանության Իջևանի բաժնի ծառայողները օգոստոսի 6-ին, ժամը 09.15-ին, խուզարկել են Իջևան քաղաքի մի բնակչի տունը և կից շինությունները։ Խուզարկության ընթացքում տղամարդը ներկայացրել է 16 մմ տրամաչափի գործարանային համարով որսորդական ողորկափող հրացան, նույն տրամաչափի փամփուշտներ և 40 սմ երկարությամբ շեղբով դանակ՝ պատյանով։ Տանտերը հայտնել է, որ ներկայացրածը պատկանել է հանգուցյալ հորը։
Քննությունը շարունակվում է։