ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ հեռ. 011- 56-39-63)

Ինքնաձիգներ, հրացաններ, նռնակներ․ ոստիկանության բաժիններում քաղաքացիները կամավոր զենքեր են հանձնել

Կապանի ոստիկանների բացատրական աշխատանքի արդյունքում Կապանի 62-ամյա մի բնակիչ կամավոր հանձնել է գործարանային համարով «Կալաշնիկով» ինքնաձիգ ու ինքնաձիգի 30 փամփուշտ, որոնք, ըստ նրա՝ ձեռք էր բերել տարիներ առաջ ու պահել։
Գորիսի և Քաջարանի ոստիկանների բացատրական աշխատանքի արդյունքում Գորիսի բնակչուհիներից մեկը բաժնում կամավոր հանձնել է հանգուցյալ ամուսնու «ԻԺ» հրացանը, որը գտել էր խորդանոցը մաքրելիս։
Նաիրիի բաժնի և Նոր Հաճընի բաժանմունքի ծառայողների բացատրական աշխատանքի շնորհիվ Կոտայքի մարզի մի բնակիչ կամավոր հանձնել է ինքնաշեն ինքնաձիգ ու տարբեր տրամաչափի փամփուշտներ։
Առանց գործարանային համարի «ՏՕԶ» հրացանը ոստիկանության Գավառի բաժնի անչափահասների գործերով և ընտանիքում բռնության կանխարգելման բաժանմունքի ծառայողների բացատրական աշխատանքի արդյունքում կամավոր հանձնել է Լճաշեն գյուղի բնակիչներից մեկը։
Մասիսի ոստիկանների բացատրական աշխատանքի արդյունքում բաժին զանգած տղամարդը հայտնել էր, որ Մասիսից Էջմիածին տանող ճանապարհի նորակառույց շինության մոտ հրազեն է թողել։ Հիշյալ վայրում հայտնաբերվել է «ՏՕԶ» ակոսափող հրազեն ու 5,45 մմ տրամաչափի 128 փամփուշտ։
Հասարակական անվտանգության ապահովման գլխավոր վարչության ծառայողների և Շենգավիթի քրեական հետախույզների բացատրական աշխատանքի արդյունքում էլ 47-ամյա մի տղամարդ կամավոր հանձնել է նռնակներ, նռնակի պայթուցիչ, հակատանկային նռնականետ, էլեկտրադետոնատոր, փամփուշտներ և այլ զինամթերք, որոնք, ըստ նրա՝ պատկանել են հանգուցյալ պապին։
Նշանակվել են դատաձգաբանական փորձաքննություններ։ Կրկին հիշեցնենք, որ ապօրինի պահվող զենք-զինամթերքը կամավոր հանձնողներն ազատվում են քրեական պատասխանատվությունից։ Այս համատեքստում ոստիկանության ծառայողների բացատրական աշխատանքը շարունակվում է։

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: