Խուզարկությամբ մեքենայում ատրճանակ և ծալովի դանակ են հայտնաբերվել

Ինչպես արդեն հաղորդել ենք, ՆԳՆ ոստիկանության Արագածոտնի մարզի պարեկները, իրացնելով օպերատիվ տեղեկությունը, հոկտեմբերի 15-ին, գիշերվա ժամը 2.20-ի սահմաններում, Աշտարակ քաղաքի Նարեկացու փողոցում հայտնաբերել էին «Նիսան» մակնիշի մի մեքենա, որի դիմացի նստելատեղի վրա եղել էր ատրճանակի նմանվող հրազեն: 34-ամյա վարորդը ձերբակալվել և տեղափոխվել էր ոստիկանության Աշտարակի բաժին, իսկ մեքենան տեղափոխվել էր բաժնի հատուկ պահպանվող տարածք:
Ուջան գյուղի բնակիչ 34-ամյա երիտասարդը և կազմված փաստաթղթերը ներկայացվել էին Արագածոտնի մարզային քննչական վարչություն, որտեղ նախաձեռնվել էր քրեական վարույթ, իսկ 34-ամյա երիտասարդը տեղափոխվել էր ձերբակալվածների պահման վայր:
Քրեական վարույթի շրջանակում հոկտեմբերի 16-ին խուզարկվել է 34-ամյա ուջանցու «Նիսան» մակնիշի մեքենան: Հայտնաբերվել են «ՏՏ» տեսակի ատրճանակ և ծալովի դանակ:
Կատարվում է նախաքննություն: