ԼՐԱՑՎԱԾ․ Վթարի վայրից զենքեր են հայտնաբերվել

Նոյեմբերի 8-ին, ժամը 18.20-ին Արաքս-Սարդարապատ ճանապարհի Սարդարապատ գյուղի տարածքում «Նիսսանը» դուրս է եկել ճանապարհի երթևեկելի գոտուց, կողաշրջվել,իսկ մեքենայի վարորդը տեղափոխվել է հիվանդանոց։
Վթարի վայրի զննությամբ մեքենայից մոտ 7 մետր հեռավորության վրա հայտնաբերվել է օդամղիչ հրացան, 9 մմ գազային ատրճանակ՝ իր սև կաշվից պատյանով և վթարված մեքենայի վարորդի անվամբ վկայական:
Հայտնաբերվածը փաթեթավորվել, կնիքվել է փորձաքննության ուղարկելու համար:
Նախապատրաստվում են նյութեր:

Նոյեմբերի 9-ին վարորդը բժշկական կենտրոնում մահացել է։