Ոստիկանները գիշերային ծառայության ժամանակ անասնագողության դեպք են բացահայտել
28.03.2022 17:09
Գողություն
![Ոստիկանները գիշերային ծառայության ժամանակ անասնագողության դեպք են բացահայտել Ոստիկանները գիշերային ծառայության ժամանակ անասնագողության դեպք են բացահայտել](/timthumb?src=/resources/police/img/news/big/1648473007-893.jpeg&q=75&w=780&wm=1)
Մարտի 26-ին, ժամը 04.15-ին, Ապարանի ոստիկանները գիշերային շրջիկ ծառայության ժամանակ Ափնա գյուղի կենտրոնական փողոցից, գողություն կատարելու կասկածանքով, բաժին բերման են ենթարկել 28-ամյա մի երիտասարդի՝ իր վարած «ՎԱԶ-2106» մակնիշի մեքենայով: Մեքենայում չորս գլուխ ոչխար կար:
Ոստիկանների բացատրական աշխատանքի շնորհիվ երիտասարդը խոստովանական բացատրություն է տվել, որ ոչխարները ժամը 01.30-ի սահմաններում գողացել է հորաքրոջ՝ Արարատի մարզի Նորամարգ գյուղի անասնագոմից:
Նախապատրաստվում են նյութեր:
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: