Առաջիկա նախագահական ընտրությունների կազմակերպման, ռեգիստրում անճշտությունների վերացման, բնակչության հաշվառման ցուցակներում թյուրիմացությունները հարթելու գործում կարևորվում է անձնագրային ծառայությունների բարեխիղճ աշխատանքը
29.11.2012 17:10
Համակարգի լրատու
![Առաջիկա նախագահական ընտրությունների կազմակերպման, ռեգիստրում անճշտությունների վերացման, բնակչության հաշվառման ցուցակներում թյուրիմացությունները հարթելու գործում կարևորվում է անձնագրային ծառայությունների բարեխիղճ աշխատանքը Առաջիկա նախագահական ընտրությունների կազմակերպման, ռեգիստրում անճշտությունների վերացման, բնակչության հաշվառման ցուցակներում թյուրիմացությունները հարթելու գործում կարևորվում է անձնագրային ծառայությունների բարեխիղճ աշխատանքը](/timthumb?src=/resources/police/img/news/big/1354197817,0275.jpeg&q=75&w=780&wm=1)
Ոստիկանության պետի տեղակալ, ոստիկանության գեներալ-մայոր Արթուր Օսիկյանը նոյեմբերի 24-ին հանդիպեց անձնագրային և վիզաների վարչության աշխատակիցների հետ: Քննարկվեցին մի շարք հարցեր, որոնք, մասնավորապես, վերաբերում էին կատարողական կարգապահությանը, ռեգիստրի տվյալների ճշգրտությանը, բացթողումների վերացմանը և այլն:
Արթուր Օսիկյանն ընդգծեց, որ առաջիկա նախագահական ընտրությունների կազմակերպման, ռեգիստրում անճշտությունների վերացման, բնակչության հաշվառման ցուցակներում թյուրիմացությունները հարթելու գործում կարևորվում է անձնագրային ծառայությունների բարեխիղճ աշխատանքը, պատասխանատվությունն ու պարտաճանաչությունը: Նա ծառայությունների պետերից պահանջեց ժամանակին բարձրաձայնել լուծում պահանջող տեխնիկական և այլ խնդիրների մասին:
Արթուր Օսիկյանը նաև նշեց, որ քաղաքացիների դժգոհությունները հաճախ իրազեկված չլինելու հետևանք են, այսինքն՝ տարածքային անձնագրային ծառայությունները քաղաքացիներին իրենց իրավունքներն ու պարտականությունները պատշաճ բացատրելու խնդիր ունեն: «Քաղաքացու հետ պետք է կարողանալ նորմալ աշխատել, որ նա դժգոհ չհեռանա: Յուրաքանչյուրդ պետք է ամենայն պատասխանատվությամբ վերաբերվեք ձեր ծառայողական պարտականություններին ու ոստիկանի մարդասեր առաքելությանը»,- ասաց Արթուր Օսիկյանը:
Արթուր Օսիկյանը կոնկրետ հանձնարարականներ տվեց, նաև ժամկետ սահմանեց՝ առկա խնդիրները վեր հանելու և լուծելու համար: