Ավազակություն կատարած տղամարդը հայտնաբերվեց Ալավերդիում

Հոկտեմբերի 7-ին Շենգավիթի քննչական բաժնում հաղորդում տված տղամարդը հայտնել էր, որ հոկտեմբերի 6-ի ժամը 15.00-ին Ներքին Շենգավիթի 11-րդ փողոցում անհայտ անձը, բռնություն գործադրելու սպառնալիքով, իրենից բացահայտ հափշտակել է 60 000 դրամ:
Ոստիկանության Շենգավիթի բաժնի քրեական հետախույզները ձեռնարկած օպերատիվ-հետախուզական միջոցառումների արդյունքում պարզել են հանցանքը կատարողի ինքնությունը: Լոռու մարզի Սանահին գյուղում հաշվառված 46-ամյա տղամարդը հոկտեմբերի 9-ի ժամը 23.00-ին Ալավերդի քաղաքի Թումանյան փողոցում հայտնաբերվել, ձերբակալվել և ներկայացվել է ոստիկանության Շենգավիթի բաժին, որտեղ խոստովանել է արարքը:
46-ամյա տղամարդը և կազմված փաստաթղթերը ներկայացվել են նախաքննական մարմին:
Նախաձեռնվել է քրեական վարույթ: