Երիտասարդի մոտ հայտնաբերվել է լիցքավորված ատրճանակ
29.04.2023 11:44
Զենք-զինամթերքի հայտնաբերում
![Երիտասարդի մոտ հայտնաբերվել է լիցքավորված ատրճանակ Երիտասարդի մոտ հայտնաբերվել է լիցքավորված ատրճանակ](/timthumb?src=/resources/police/img/news/big/1682754347-74.jpeg&q=75&w=780&wm=1)
Ոստիկանության Նոր Նորքի բաժնի քրեական հետախուզության բաժանմունքում օպերատիվ տեղեկություն էր ստացվել, որ Տերյան փողոցի 32-ամյա մի բնակիչ մոտը ապօրինի զենք է պահում: Ապրիլի 28-ին, իրացնելով տեղեկությունը, Նոր Նորքի բաժնի ծառայողները Կոմիտասի պողոտայում նրան հայտնաբերել, ձերբակալել և, «Մերսեդեսով» հանդերձ, տեղափոխել են բաժին: Անձնական խուզարկությամբ երիտասարդի մոտ հայտնաբերվել է ատրճանակ՝ լիցքավորված 8 փամփուշտով:
Երիտասարդը և կազմված փաստաթղթերը ներկայացվել են նախաքննական մարմին:
Նախաձեռնվել է քրեական վարույթ:
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: