16-ամյա պատանու մոտ ատրճանակ կար

Ոստիկանության Կումայրիի բաժնի քրեական հետախույզները, օպերատիվ տվյալներն իրացնելով, մարտի 6-ին Գյումրիի Գարեգին Նժդեհի հրապարակում հայտնաբերել, ապօրինի զենք կրելու հիմնավոր կասկածանքով ձերբակալել և բաժին են տեղափոխել Ախուրյան գյուղի 16-ամյա մի բնակչի: Անձնական խուզարկությամբ պատանու մոտ հայտնաբերվել է «EKOL Majarov» գրառմամբ ատրճանակ:
16-ամյա պատանին, հայտնաբերվածը և կազմված փաստաթղթերը ներկայացվել են նախաքննական մարմին: