Արաբկիրի ոստիկանները հերոին, մեթամֆետամին ու ափիոն են հայտնաբերել

Ոստիկանության Արաբկիրի բաժնի քրեական հետախույզները, իրացնելով օպերատիվ միջոցառումների արդյունքում ստացված օպերատիվ տվյալները, ապրիլի 22-ին Երևանի Բագրատունյաց պողոտայում հայտնաբերեցին ու, ապօրինի թմրամիջոց պահելու, օգտագործելու և իրացնելու կասկածանքով, ոստիկանության Արաբկիրի բաժին բերման ենթարկեցին 33-ամյա մի տղամարդու՝ իր վարած «Ինֆինիտի» մակնիշի ավտոմեքենայով հանդերձ։ Նրա անձնական խուզարկությամբ հայտնաբերվեցին մոխրացած հետքերով 2 կաթուցիչ և մարիխուանայի նմանվող զանգվածով փաթեթ։ Ավտոմեքենայի զննությամբ հայտնաբերվեց թմրամիջոցի 16 փաթեթ, որոնցից 1-ը՝ 23 գրամ հերոինի նմանվող զանգվածով, 10-ը՝ մոտ 12 գրամ մեթամֆետամինի նմանվող զանգվածով, 5-ը՝ մոտ 19 գրամ ափիոնի նմանվող զանգվածով։
Հարուցվել է քրեական գործ։ 33-ամյա տղամարդը ձերբակալվել է: