Արմավիրի ոստիկանները գույքի վնասման դեպք են բացահայտել

Մայիսի 16-ին, ժամը 04.10-ին, ոստիկանության Արմավիրի բաժին հաղորդում էր ստացվել, որ անհայտ անձինք կոտրել են Արմավիր քաղաքի ավտոկայանի վճարային տերմինալը:
Մեկնած օպերատիվ խմբի ծառայողները Արմավիր քաղաքի կենտրոնական ավտոկայանի տարածքում հայտնաբերել և ոստիկանության Արմավիրի բաժին բերման են ենթարկել 31 և 41 տարեկան երկու տղամարդու։ Բացատրական աշխատանքի արդյունքում 41-ամյա տղամարդը տվել է խոստովանական բացատրություն, որ վրդովված վիճակում ինքն է կոտրել վճարային տերմինալը:
Կատարվում է քննություն։