Թիվ 44 երթուղու միկրոավտոբուսներում կատարված գողությունները բացահայտվեցին
![Թիվ 44 երթուղու միկրոավտոբուսներում կատարված գողությունները բացահայտվեցին Թիվ 44 երթուղու միկրոավտոբուսներում կատարված գողությունները բացահայտվեցին](/timthumb?src=/resources/police/img/news/big/1521030490,6759.jpeg&q=75&w=780&wm=1)
Մարտի 13-ին, ժամը 19.00-ին, ոստիկանության Երևան քաղաքի վարչության գրպանահատության դեմ պայքարի բաժանմունքի ծառայողները Մաշտոցի պողոտայի թիվ 20 շենքի մոտից, գողություն կատարելու կասկածանքով, Կենտրոնական բաժին բերման են ենթարկել 1987 թ. ծնված Հովհաննես Կ.-ին:
Պարզվել է, որ նույն օրը, ժամը 18.30-ին, Հովհաննես Կ.-ն նշված հասցեի մոտ, թիվ 44 երթուղու միկրոավտոբուսի սրահում, 1959 թ. ծնված Կարինե Գ.-ի պայուսակից գողացել է դրամապանակը, որի մեջ եղել է գումար և բանալիներ:
Գողոնն առգրավված է:
Կատարվում է քննություն:
***
Մարտի 10-ին, ժամը 17.30-ին, ոստիկանության Երևան քաղաքի վարչության օպերատիվ կառավարման կենտրոնից հաղորդում է ստացվել, որ իրենց է զանգահարել 1951 թ. ծնված Լուսիկ Գ.-ն և հայտնել, որ պայուսակից գողացել են 20.000 դրամ և ոսկյա մատանի:
Ժամը 19.30-ին Լուսիկ Գ.-ն հաղորդում է տվել, որ նույն օրը, ժամը 15.00-ին, Նորքի 1-ին զանգվածի շուկայում նկատել է, որ թիվ 44 երթուղային ավտոբուսի սրահում իր պայուսակից գողացել են 20.000 դրամ և 100.000 դրամ արժողության ոսկյա մատանի:
Ոստիկանության Նոր Նորքի բաժնի ծառայողները և վետերանները պարզել են, որ նշված գողությունը կատարել է 1963 թ. ծնված Ռուբեն Բ.-ն, որը բացատրական աշխատանքների շնորհիվ, մարտի 13-ին, ժամը 11.30-ին, ներկայացել է բաժին և տվել խոստովանական բացատրություն:
Ձեռնարկվում են միջոցառումներ գողոնը հայտնաբերելու ուղղությամբ:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: