ՌԴ իրավապահների կողմից հետախուզվող ՌԴ քաղաքացին բերման ենթարկվեց

Հուլիսի 11-ին, ժամը 14.50-ին, ոստիկանության «Զվարթնոց» օդանավակայանի գծային բաժնի քրեական հետախույզների ձեռնարկած օպերատիվ-հետախուզական միջոցառումների շնորհիվ Երևան-Մոսկվա ինքնաթիռի չվերթի հաշվառումից հետո բերման է ենթարկվել ՌԴ քաղաքացի 27-ամյա Անդրեյ Ավրամուկը, որը 2018թ. նոյեմբերի 16-ից հետախուզվում է ՌԴ Սախա-Յակուտիայի Հանրապետության իրավապահ մարմինների կողմից ՌԴ քրեական օրենսգրքի 111 հոդվածի (դիտավորյալ ծանր մարմնական վնասվածք հասցնելը) մեղադրանքով: