Բռնվել էր ապօրինի ծառահատման համար
![Բռնվել էր ապօրինի ծառահատման համար Բռնվել էր ապօրինի ծառահատման համար](/timthumb?src=/resources/police/img/news/big/1535371183,0222.jpeg&q=75&w=780&wm=1)
Օգոստոսի 25-ին ապօրինի ծառահատման վերաբերյալ տեղեկություններ ստանալով` ոստիկանության Թումանյանի բաժնի քրեական հետախույզները ստուգման նպատակով այցելել են Ահնիձոր գյուղի մոտակայքում գտնվող «Ալպալդր» կոչվող տարածք, որտեղ հայտնաբերվել է շուրջ 10 խմ հատված փայտանյութ, որից 3.5 խմ-ը բեռնված է եղել Լորուտ գյուղի բնակիչ Արթուր Գ.-ի կողմից շահագործվող «ԳԱԶ 66» մակնիշի բեռնատարի թափքում, իսկ մնացած 6.5 խմ-ն անկանոն թափված է եղել գետնին:
Արթուր Գ.-ն հայտարարել է, որ փայտանյութն իրենն է, անտառում տապալված ծառերից է նույն օրը բենզասղոցով հատել, և ներկայացրել է հոր՝ Հենրիկ Գ.-ի անվամբ «Դսեղի» անտառտնտեսության մասնաճյուղից տրված, 8 խմ փայտանյութի տոմս:
Շուրջ 6.5 խմ փայտանյութն անտառում ի պահ է հանձնվել նույն անտառպետության անտառապետին, իսկ փայտանյութով բեռնված «ԳԱԶ 66»-ը տեղափոխվել է ոստիկանության Թումանյանի բաժնի հատուկ պահպանվող տարածք:
Փաստի առթիվ նախապատրաստվում են նյութեր:
***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: