Գեղաշենցի երիտասարդը, գողացած մեքենայով հանդերձ, ներկայացել է ոստիկանություն
![Գեղաշենցի երիտասարդը, գողացած մեքենայով հանդերձ, ներկայացել է ոստիկանություն Գեղաշենցի երիտասարդը, գողացած մեքենայով հանդերձ, ներկայացել է ոստիկանություն](/timthumb?src=/resources/police/img/news/big/1666856933-2016.jpeg&q=75&w=780&wm=1)
Ոստիկանության Կոտայքի բաժնում հաղորդում տված տղամարդը հայտնել էր, որ հոկտեմբերի 25-ի ժամը 00.30-ից 05.30-ն ընկած ժամանակահատվածում Աբովյան քաղաքի Հանրապետության փողոցի բանկի մոտից գողացել են իր «ՎԱԶ-2107» մակնիշի մեքենան:
Դեպքի առթիվ նախաձեռնվել էր քրեական վարույթ:
Ոստիկանության Կոտայքի բաժնի հերթապահ մասի ծառայողների ձեռնարկած միջոցառումների և բացատրական աշխատանքի արդյունքում հոկտեմբերի 26-ին Գեղաշեն գյուղի 30-ամյա բնակիչը, «ՎԱԶ-2107»-ով հանդերձ, ներկայացել է Կոտայքի բաժին: Նա ձերբակալվել և ներկայացվել է Աբովյանի քննչական բաժին:
Քրեական վարույթը շարունակվում է:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: