Գողության և խարդախության մեղադրանքով հետախուզվողը հայտնաբերվեց

Ոստիկանության Գեղարքունիքի մարզային վարչության և Գավառի բաժնի ծառայողների ձեռնարկած միջոցառումների արդյունքում սեպտեմբերի 28-ին Երևան-Սևան ճանապարհի հյուրանոցառեստորանային համալիրներից մեկում հայտնաբերվել և Գավառի բաժին բերման է ենթարկվել 42-ամյա Վարազդատ Հ.-ն, որը հուլիսի 5-ից ոստիկանության Կենտրոնական բաժնի կողմից հետախուզվում էր ՀՀ քրեական օրենսգրքի 177-րդ (Գողությունը) և 178-րդ (Խարդախությունը) հոդվածների մեղադրանքով:
Խափանման միջոցը՝ կալանք:
Հայտնաբերման մասին տեղյակ է պահվել հետախուզումը նախաձեռնողին: