Գողություն Սասունցի Դավթի հրապարակի ավտոկանգառում

Հուլիսի 22-ին, ժամը 13.30-ին, ոստիկանության Երևան քաղաքի վարչության  գրպանահատության դեմ պայքարի բաժանմունքի  և Էրեբունու  բաժնի  ծառայողները   Սասունցի Դավթի փողոցի թիվ 1 հասցեի մոտից, գողություն կատարելու կասկածանքով,  բերման են ենթարկել 1956 թ. ծնված Արամայիս Կ.-ին, որի  խուզարկությամբ` տաբատի գրպանից հայտնաբերվել է «Սամսունգ» տիպի բջջային հեռախոս և «Վիվա-Սել» բջջային օպերատորի «ալո» քարտ` կտրված:

Արամայիս Կ.-ն հայտնել է, որ   բջջային հեռախոսը նույն օրը, ժամը 12.30-ի սահմաններում,  գողացել է Սասունցի Դավթի հրապարակի ավտոկանգառում` անծանոթ կնոջ պայուսակից:

Ձեռնարկված օպերատիվ-հետախուզական միջոցառումների շնորհիվ պարզվել է, որ Արամայիս Կ.-ն նշված բջջային հեռախոսը գողացել է 1985 թ. ծնված  Ռուզաննա Հ.-ի պայուսակից:

Կատարվում է հետաքննություն: