Թաղեցիների վեճն ավարտվել էր դանակահարությամբ
![Թաղեցիների վեճն ավարտվել էր դանակահարությամբ Թաղեցիների վեճն ավարտվել էր դանակահարությամբ](/timthumb?src=/resources/police/img/news/big/1672054934-898.jpeg&q=75&w=780&wm=1)
Դեկտեմբերի 24-ին, ժամը 03.55-ին, «Աստղիկ» բժշկական կենտրոնից հաղորդում էր ստացվել, որ կտրած-ծակած վերքով բուժօգնության է դիմել Հաղթանակ թաղամասի 37-ամյա մի բնակիչ:
Ոստիկանության Մալաթիայի բաժնի քրեական հետախույզները ձեռնարկած միջոցառումների արդյունքում պարզել են, որ ժամը 03.00-ի սահմաններում Սեբաստիայի փողոցում տեղի ունեցած վիճաբանության ժամանակ հիվանդանոց տեղափոխված տղամարդուն դանակահարել էր 29-ամյա թաղեցին: Բացատրական աշխատանքի արդյունքում 29-ամյա երիտասարդը ներկայացել է բաժին: Նա ներկայացվել է նախաքննական մարմին:
Կատարվում է նախաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: