Դիտեք «Կիրակնօրյա հերթապահ մաս» հաղորդաշարի սեպտեմբերի 1-ի թողարկումը
02.09.2013 10:12
Համակարգի լրատու
![Դիտեք «Կիրակնօրյա հերթապահ մաս» հաղորդաշարի սեպտեմբերի 1-ի թողարկումը Դիտեք «Կիրակնօրյա հերթապահ մաս» հաղորդաշարի սեպտեմբերի 1-ի թողարկումը](/timthumb?src=/resources/police/img/news/big/1378102503,922.jpeg&q=75&w=780&wm=1)
- ԱՊՀ մասնակից պետությունների ներքին գործերի նախարարների խորհրդի պլանի պահանջների համաձայն` օգոստոսի 5-ից 25-ը հանրապետության ողջ տարածքում անցկացվեց «Կանեփ-կակաչ-2013» համալիր օպերատիվ-կանխարգելիչ միջոցառումը: Բայց սա չի նշանակում, թե մազաչափ անգամ թուլանալու է ոստիկանության պայքարը թմրամիջոցների, հոգեմետ նյութերի և դրանց պրեկուրսորների անօրինական շրջանառության դեմ:
- Թմրամիջոցների նման մի կախվածություն էլ առաջացնում է ալկոհոլը, որի չափից դուրս օգտագործումը մարդուն դարձնում է ալկոհոլամոլ: Իսկ կյանքը ցույց է տալիս, որ սա ոչ միայն սարսափելի, ոմանց համար անբուժելի հիվանդություն է, այլև հիվանդին կարող է դարձնել խիստ վտանգավոր` նույնիսկ ամենամտերիմ, ամենահարազատ մարդկանց համար: Վկան` ներկայացվող տեսանյութը:
- Օգոստոսի 29-ին ոստիկանության պետ Վլադիմիր Գասպարյանը անցկացրեց արտահերթ խորհրդակցություն, որին ներկա էին ոստիկանության կենտրոնական ապարատի, մարզային ու Երևան քաղաքի վարչությունների պատասխանատուներն ու ստորաբաժանումների պետերը, ճանապարհային ոստիկանության ղեկավար կազմն ու վաշտերի հրամանատարները: Ոստիկանության պետը խիստ ցուցում տվեց արտաքին ծառայության աշխատակիցներին` գյուղմթերքների իրացման շրջանում չխոչնդոտել բերքը տեղափոխող և մայրաքաղաքի բնակելի հատվածներում գյուղմթերք վաճառող գյուղացիներին:
- Քաղաքային կյանքում կան խնդիրներ, որոնք թվում են անլուծելի, քանի որ շոշափում են միանգամից մի քանի հիմնահարց: Մեկն էլ մարմնավաճառությունն է: Մի կողմից` մարդու իրավունքներ ու անձնական կյանք, մյուս կողմից` հասարակական կարգի խախտումներ, անբարենպաստ բարոյական ֆոն, մի երրորդ կողմից էլ սեռափոխանցվող հիվանդություններ: Եվ ամենակարևորը` աշխարհում դեռ չի գտնվել մի արդյունավետ միջոց, որ կիրառելի լինի այս երևույթի դեմ պայքարում:
- Օգոստոսի 28-ին ոստիկանության զորքերի 1033 զորամասում նշվեց զորամասի կազմավորման 23-րդ տարեդարձը: Դեռևս խորհրդային ժամանակաշրջանում ստեղծված այս ստորաբաժանումը, փաստորեն ազգային բանակի հիմքն էր:
- Սեպտեմբերին միայն հերթական ուսումնական տարին չի սկսվում: Եվ ինչքան էլ հով լինի ամառը, միևնույն է, սեպտեմբերն անպայման գալիս է ու իր հետ բերում հին ու նոր խնդիրներ` հասարակական կարգի պահպանում, անվտանգ երթևեկության ապահովում և այլն: