Դրամապանակ գողացողը հայտնաբերվեց

Մայիսի 7-ին, ժամը 11.00-ին, ոստիկանության Երևան քաղաքի վարչության  գրպանահատության դեմ պայքարի բաժանմունքի ծառայողներն, իրացնելով ստացված օպերատիվ տվյալները, Պարույր Սևակի փողոցի թիվ 5 հասցեի մոտից բերման են ենթարկել 1951 թ. ծնված Մնացական Գ.-ին:
Պարզվել է, որ Մնացական Գ.-ն, նույն օրը, ժամը 08.50-ի սահմաններում, թիվ 28 երթուղու միկրոավտոբուսում,  72-ամյա  մի կնոջ պայուսակից գողացել է դրամապանակը, որում  եղել է գումար և բանալիներ:
Գողոնն առգրավված է:
Կատարվում է հետաքննություն: