Երեք միլիոնից ավելի նյութական վնաս

21.10.2013 15:49 Գողություն

Հոկտեմբերի 19-ին ոստիկանության Էրեբունու բաժին դիմած 40-ամյա կինը հայտնել է, որ իրեն պատկանող 206 գլուխ անասուններից անհետացել է 12-ը, որի մեջ կասկածում է Նուբարաշենի բնակիչներ ոմն Կարոյի, Հրաչի, ինչպես նաև Արարատի մարզի Մարմարաշեն գյուղի բնակիչ ոմն Շոթայի:

Պարզել է, որ կնոջը պատճառվել է մոտ 3.288.000 դրամի վնաս:

Հոկտեմբերի 20-ին ոստիկանները պարզել են, որ Կարոն 1978 թ. ծնված Կարապետ Կ.-ն է, Հրաչը՝ 1974 թ. ծնված Հրաչ Ե.-ն, իսկ Շոթան՝ 1968 թ. ծնված Վարդան Մ.-ն:

Հոկտեմբերի 20-ին Կարապետ Կ.-ն և Վարդան Մ.-ն ներկայացել են ոստիկանության Էրեբունու քննչական բաժին և խոստովանել, որ սեպտեմբեր ամսին նշված 12 գլուխ անասուններից իրենք գողացել են 4-ը և իրացրել:

Կարապետ Կ.-ն ձերբակալված է:

Ձեռնարկվում են միջոցառումներ Հրաչ Ե.-ին հայտնաբերելու ուղղությամբ:

Հանգամանքները պարզվում են:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Երեք միլիոնից ավելի նյութական վնաս

ՀԻՄՆԱԿԱՆ