Պարզաբանում

Դեկտեմբերի 25-ին «Հրապարակ» օրաթերթում հրապարակված՝ Աչաջուր գյուղի մի խումբ բնակիչների՝ ոստիկանության պետին ուղղված բաց նամակի կապակցությամբ հայտնում ենք, որ հիշյալ թերթի դեկտեմբերի 10-ի «13 ընտանիք տուժել է խարդախից» հրապարակումից հետո ոստիկանության Իջևանի բաժնում ՀՀ քրեական դատավարության օրենսգրքի 180-րդ հոդվածի 2-րդ մասի կարգով դատավարական գործողություններ են իրականացվել հրապարակման մեջ նշված փաստերը ստուգելու ուղղությամբ: Պարզվել է, որ գյուղացիների նշած ոմն Գարիկը Արարատի մարզի Դալար գյուղի բնակիչ Բարեղամ Բադալյանն է, որն Աչաջուր գյուղի մի շարք բնակիչներից ոչ կանխիկ ձևով միրգ է գնել ու չի վճարել 405 հազար դրամ:
Բ. Բադալյանը ոստիկանության ձեռնարկած միջոցառումներով հայտնաբերվել ու լսվել է: Ոստիկանության ծառայողների բացատրական աշխատանքների արդյունքում վերջինս պարտավորվել է մինչև 2015 թ. դեկտեմբերի 29-ը գյուղի բնակիչների պարտքերը ամբողջությամբ մարել:
Միաժամանակ իրազեկում ենք, որ հրապարակման քննարկման արդյունքում հանցագործության հատկանիշներ չեն պարզվել. վեճը կրում է քաղաքացիաիրավական բնույթ: