Համայնքային ոստիկանները 50-ամյա տղամարդու մոտ ապօրինի զենք-զինամթերք են հայտնաբերել
![Համայնքային ոստիկանները 50-ամյա տղամարդու մոտ ապօրինի զենք-զինամթերք են հայտնաբերել Համայնքային ոստիկանները 50-ամյա տղամարդու մոտ ապօրինի զենք-զինամթերք են հայտնաբերել](/timthumb?src=/resources/police/img/news/big/1675320995-4477.jpeg&q=75&w=780&wm=1)
Ոստիկանության Արտաշատի բաժնի համայնքային ոստիկանները ձեռնարկած միջոցառումների արդյունքում փետրվարի 1-ին հավաստի տվյալներ էին ստացել, որ Իսակովի փողոցի 50-ամյա բնակիչը մոտը զենք-զինամթերք է պահում և այդ պահին Արտաշատ համայնքի դաշտերում է:
Իրացնելով օպերատիվ տվյալները՝ ոստիկանները 50-ամյա տղամարդուն Երևան-Երասխ ճանապարհի հարակից տարածքում հայտնաբերել, ձերբակալել և, հրացանով հանդերձ, տարել են ոստիկանության Արտաշատի բաժին: Բաժնում անձնական զննությամբ նրա մոտ հայտնաբերվել են «ԻԺ 27M» տիպի որսորդական հրացան և 12 մմ տրամաչափի փամփուշտներ: Նա և կազմված փաստաթղթերը ներկայացվել են Արարատի մարզային քննչական վարչություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: