Զինված ուժերի ժողովրդավարական վերահսկողության Ժնևի կենտրոնի պատվիրակությունը` ՀՀ ոստիկանությունում (ՏԵՍԱՆՅՈՒԹ)
25.11.2014 19:04
Համակարգի լրատու
![Զինված ուժերի ժողովրդավարական վերահսկողության Ժնևի կենտրոնի պատվիրակությունը` ՀՀ ոստիկանությունում (ՏԵՍԱՆՅՈՒԹ) Զինված ուժերի ժողովրդավարական վերահսկողության Ժնևի կենտրոնի պատվիրակությունը` ՀՀ ոստիկանությունում (ՏԵՍԱՆՅՈՒԹ)](/timthumb?src=/resources/police/img/news/big/1416927982,4104.jpeg&q=75&w=780&wm=1)
Նոյեմբերի 18-ից 21-ը Երևանում էր Զինված ուժերի ժողովրդավարական վերահսկողության Ժնևի կենտրոնի փոխտնօրեն Ֆիլիպ Ֆլյուրիի գլխավորած պատվիրակությունը:
Համագործակցության ծրագրի շրջանակներում, նոյեմբերի 18-ին ոստիկանության կրթահամալիրում միջազգային փորձագետներն անցկացրեցին «Ընտանեկան բռնություն և անչափահասների շրջանում հանցավորության կանխարգելում» թեմայով, իսկ նոյեմբերի 20-ին ոստիկանության փորձաքրեագիտական վարչությունում՝ «Դեպքի վայրի զննություն» թեմայով դասընթացներ:
Նոյեմբերի 21-ին ՀՀ ոստիկանության շտաբի պետ, ոստիկանության գեներալ-մայոր Արամ Զաքարյանն ընդունեց Ֆ.Ֆլյուրիի գլխավորած պատվիրակությանը:
Հանդիպման ընթացքում քննարկվեցին Կենտրոնի և ՀՀ ոստիկանության միջև ստորագրված համագործակցության ծրագրի կետերի կատարողականը, ծրագրով դեռևս չկատարված գործողությունների իրականացման ժամկետները, ֆորմատը և այլ մանրամասներ:
Մասնակիցների կողմից ընդգծվեց համագործակցության շարունակականության անհրաժեշտությունը և 2015 թվականին տարեկան համագործակցության նոր ծրագրի մշակումը:
Քննարկվեցին փոխադարձ հետաքրքրություն ներկայացնող այլ հարցեր ևս: