Էրեբունու համայնքային ոստիկանները բացահայտեցին հացատանը կատարված գողությունը (ՏԵՍԱՆՅՈՒԹ)

Սեպտեմբերի 16-ին ոստիկանության Էրենունու բաժնում գողության վերաբերյալ հաղորդում ստացվեց։ Դեպքը տեղի էր ունեցել հաղորդումից հինգ օր առաջ։ Էրեբունիում գտնվող հացատներից մեկից բջջային հեռախոս է գաղտնի հափշտակվել։ Բաժնի համայնքային ոստիկանության բաժանմունքի ծառայողները, ձեռնարկելով համապատասխան օպերատիվ միջոցառումներ, պարզեցին գողությունը կատարելու մեջ կասկածվող անձի ինքնությունը։ Երևանի բնակիչ 40-ամյա տղամարդու հետ տարված բացատրական աշխատանքի շնորհիվ նա ներկայացավ ոստիկանության Էրեբունու բաժին, տվեց խոստովանական բացատրություն ու վերադարձրեց գողացված հեռախոսը։
Դեպքի առթիվ նախապատրաստվում են նյութեր։