Ընտրողների ցուցակների ճշգրտումը՝ ուշադրության կենտրոնում (ՏԵՍԱՆՅՈՒԹ)
21.12.2012 13:15
Համակարգի լրատու
![Ընտրողների ցուցակների ճշգրտումը՝ ուշադրության կենտրոնում (ՏԵՍԱՆՅՈՒԹ) Ընտրողների ցուցակների ճշգրտումը՝ ուշադրության կենտրոնում (ՏԵՍԱՆՅՈՒԹ)](/timthumb?src=/resources/police/img/news/big/1356079416,4534.jpeg&q=75&w=780&wm=1)
Դեկտեմբերի 19-ին Երևանի «Էրեբունի պլազա» հյուրանոցում տեղի ունեցավ Ոստիկանության աշխատակիցների և IFES ընտրական համակարգերի միջազգային հիմնադրամի Հայաստանյան գրասենյակի ներկայացուցիչների հանդիպումը, որի նպատակը Ոստիկանության կողմից բնակչության պետական ռեգիստրում մշակվող տեղեկությունների հավաստիությունն ու լրիվությունն ապահովելու ուղղությամբ տարվող աշխատանքներին օժանդակելն է: Ոստիկանությունը և IFES-ը համատեղ իրականացնելու են դռնեդուռ այցեր, որոնք կոչված են լինելու իրազեկելու քաղաքացիներին հաշվառվելու, վերահաշվառվելու կամ հաշվառումից դուրս գալու անհրաժեշտության և կանոնակարգերի վերաբերյալ:
Հանդիպմանը մասնակցում էին ոստիկանության պետի տեղակալ, ոստիկանության գեներալ-մայոր Արթուր Օսիկյանը, ԱՎՎ պետ Հովհաննես Քոչարյանը, IFES ներկայացուցիչները, մի շարք ոստիկաններ և հասարակական կազմակերպությունների անդամներ:
Բացման խոսքով հանդես եկավ IFES ներկայացուցիչ Արսեն Մկրտչյանը:
Հանդիպման մասնակիցներին ողջունեց Արթուր Օսիկյանը:
Ոստիկանության պետի տեղակալը, կարևորելով գործընթացը, նշեց, որ աշխատանքը, որն այժմ արվում է իսկապես ողջունելի է, քանզի հետապնդում է մեկ կարևորագույն նպատակ, այն է` հասարակությանը հուզող գլխավոր հարցերից մեկի`ընտրողների ցուցակների ճշգրտումը:
Հանդիպման ընթացքում հատկապես կարևորվեց դռնեդուռ այցերի ծրագրի իրականացման շրջանակներում ուսուցանող-կամավորներին ոստիկանների կողմից մասնագիտական գիտելիքների և փորձի փոխանցման նշանակությունը` հետագայում ավելի լավ արդյունքների ապահովման հարցում:
Քննարկվեցին նաև համատեղ գործողությունների ուղղությունները, միջոցառումների ժամանակացույցն ու կատարվող աշխատանքների ծավալը: