Ապօրինի թմրաշրջանառության դեպք Օհանավան համայնքում

Ոստիկանության Աշտարակի բաժնի քրեական հետախույզները մարտի 23-ին, ապօրինի թմրանյութ պահելու և օգտագործելու կասկածանքով, Արագածոտնի մարզի Օհանավան համայնքում ձերբակալել և բաժին են տեղափոխել 25-ամյա մի երիտասարդի։ Անձնական խուզարկությամբ նրա մոտ հայտնաբերվել է կանեփանման չորացված, մանրացված զանգված՝ 3 գրամից ավելի քաշով։ Այն ուղարկվել է փորձաքննության։ Դեպքի աոթիվ կազմված փաստաթղթերն ուղարկվել են Արագածոտնի մարզային քննչական վարչություն։ Հանգամանքները պարզվում են։