Հագուստի խանութներից կատարված գողություններ են բացահայտվել

Արմավիրի քրեական հետախույզներն օպերատիվ տեղեկություններ են ստացել, որ Երևանի Արցախի փողոցի բնակիչ, 29-ամյա մի տղամարդ այս տարվա մայիսի կեսերից մինչև հուլիսի 12-ն ընկած ժամանակահատվածում Արմավիր քաղաքի մի շարք հագուստի խանութներից կատարել է գողություններ:
Ձեռնարկված միջոցառումների շնորհիվ հուլիսի 13-ին, ժամը 16.30-ին, նա ներկայացվել է բաժին և տվել խոստովանական բացատրություն:
Պարզվել է, որ վերջինս, տարբեր օրերի և աշխատանքային ժամերին, Արմավիրի տարբեր խանութներից գողացել է բազմաթիվ տաբատներ, կնոջ ու տղամարդու հագուստեղեն, այլ իրեր:
Նախապատրաստվում են նյութեր: