Գլխավոր էջ
ՆՈՐՈՒԹՅՈՒՆՆԵՐ
Օպերատիվ ամփոփագրեր
Հրդեհ
Հրդեհ արդուկը հոսանքի աղբյուրին միացված թողնելու հետևանքով

Հրդեհ արդուկը հոսանքի աղբյուրին միացված թողնելու հետևանքով

19.07.2013 11:19 Հրդեհ

Հուլիսի 18-ին, ՀՀ ԱԻՆ Սյունիքի մարզային հրդեհային և տեխնիկական անվտանգության տեսչությունից ոստիկանության Մեղրիի բաժնում նյութեր են ստացվել, որ նույն օրը, ժամը 11.30-ի սահմաններում, հրդեհ է բռնկվել 1955 թ. ծնված Գուրգեն Կ.-ին պատկանող` Հայրենադարձների փողոցի 2-րդ նրբանցքի թիվ 4 տանը:

Հրդեհը մարվել է նույն օրը, ժամը 13.40-ին` մարտական 2 հաշվարկի ուժերով:

Հրդեհի հետևանքով այրվել է Գուրգեն Կ.-ի տան առաջին հարկը` իր գույքով և տանիքային հարկն ամբողջությամբ` 140 քմ մակերեսով, իսկ հրդեհի տարածման հետևանքով այրվել է հարևանությամբ գտնվող, 1947 թ. ծնված Մարտուն Կ.-ի տան տանիքը` 50 քմ մակերեսով:

Նույն օրը պարզվել է, որ հրդեհն առաջացել է տան բնակչուհի, 1932 թ. ծնված Բախտիկ Կ.-ի կողմից էլեկտրական արդուկը հոսանքի աղբյուրին միացված թողնելու հետևանքով:

Գուրգեն Կ.-ին պատճառված նյութական վնասի չափը կազմում է շուրջ 1.475.000 դրամ:

Մարտուն Կ.-ին պատճառված նյութական վնասի չափը կազմում է շուրջ 100.000 դրամ:

Քննությունը վարում է ՀՀ ԱԻՆ Սյունիքի մարզային հրդեհային և տեխնիկական անվտանգության տեսչությունը:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Հրդեհ արդուկը հոսանքի աղբյուրին միացված թողնելու հետևանքով

ՀԻՄՆԱԿԱՆ