Մալաթիայի ոստիկանները հայտնաբերեցին ու ձերբակալեցին հափշտակություններ կատարած կնոջը
![Մալաթիայի ոստիկանները հայտնաբերեցին ու ձերբակալեցին հափշտակություններ կատարած կնոջը Մալաթիայի ոստիկանները հայտնաբերեցին ու ձերբակալեցին հափշտակություններ կատարած կնոջը](/timthumb?src=/resources/police/img/news/big/1670412004-8032.jpeg&q=75&w=780&wm=1)
Նոյեմբերի 30-ին ոստիկանության Մալաթիայի բաժին էր զանգել 34-ամյա մի տղամարդ ու հայտնել, որ րոպեներ առաջ մայրաքաղաքի հյուրանոցներից մեկում իրեն խաբել են։ Հյուրանոցի վարձը վճարելու նպատակով փող էին վերցրել ու հեռացել։ Քրեական հետախույզները ստացված օպերատիվ տվյալներն իրացրին դեկտեմբերի 2-ին: Նրանք մայրաքաղաքի Տիչինայի փողոցում հայտնաբերեցին ու ձերբակալեցին 27-ամյա մի կնոջ։ Բացատրական աշխատանքի արդյունքում նա հայտնեց, որ դեկտեմբերի 1-ին մեկ այլ քաղաքացու գրպանից 200 000 դրամ էր գողացել։ 27-ամյա կինը ներկայացվել է տարածքային քննչական բաժին։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: