Պատահարներ Երևանում և հանրապետության ավտոճանապարհներին
![Պատահարներ Երևանում և հանրապետության ավտոճանապարհներին Պատահարներ Երևանում և հանրապետության ավտոճանապարհներին](/timthumb?src=/resources/police/img/news/big/1523689930,0994.jpeg&q=75&w=780&wm=1)
Ապրիլի 13-ին՝ ժամը 23.00-ին, «Օպել» մակնիշի ավտոմեքենայի վարորդը Երևան քաղաքի Րաֆֆու փողոցի թիվ 2 էլեկտրասյան մոտ վրաերթի է ենթարկել 1972 թ. ծնված Սիմոն Գ.-ին, որը մարմնական վնասվածքներով բուժօգնության է տեղափոխվել հիվանդանոց:
Կատարվում է քննություն:
***
Ապրիլի 13-ին՝ ժամը 21.00-ին, «ԲՄՎ» մակնիշի ավտոմեքենայի 36-ամյա վարորդը Բ.Մուրադյան փողոցի թիվ 16 էլեկտրասյան մոտ վրաերթի է ենթարկել 1951 թ ծնված Անժելա Մ.-ին, որը մարմնական վնասվածքներով բուժօգնության է տեղափոխվել հիվանդանոց:
Կատարվում է քննություն:
***
Ապրիլի 13-ին՝ ժամը 13.30-ի սահմաններում, 1960 թ. ծնված «Մերսեդես Բենց» մակնիշի ավտոմեքենան Մրգավետ-Ջրաշեն գյուղամիջյան ճանապարհի Մրգավետ գյուղի հատվածում դուրս է եկել ճանապարհի երթևեկելի գոտուց, կողաշրջվել. վարորդը մարմնական վնասվածքներով տեղափոխվել «Արտաշատ» Բ/Կ:
Կատարվում է քննություն:
***
Ապրիլի 13-ին՝ ժամը 06.00-ի սահմաններում, «Շեվրոլետ Նիվա-21230» մանիշի ավտոմեքենան Ուրցաձոր-Վեդի միջհամայնքային ճանապարհի 1-ին կմ-ին, կորցնելով կառավարումը, դուրս է եկել ճանապարհի երթևեկելի գոտուց և կողաշրջվել, ինչի հետևանքով վարորդը և նրա ուղևորներ՝ 2002 թ. ծնված Աստղիկ Խ.-ն, 2000 թ. ծնված Միլենա Հ.-ն մարմնական վնասվածքներով տեղափոխվել են հիվանդանոց:
Կատարվում է քննություն:
***
Ապրիլի 12-ին՝ ժամը 12.20-ին, «Հրազդան» բժշկական կենտրոնից հաղորդում է ստացվել, որ «կրծքավանդակի սալջարդ» ախտորոշմամբ իրենց մոտ բուժօգնության է դիմել 2001 թ. ծնված Վահե Մ.-ն:
Մեկնած օպերատիվ խումբը պարզել է, որ Վահե Մ.-ն նշված վնասվածքը ստացել է ապրիլի 10-ին՝ ժամը 08.30-ի սահմաններում, Երևան քաղաքի «Շամպայն» գործարանի լուսացույցի մոտ՝ սև գույնի «Մերսեդես» տաքսի ավտոմեքենայի մեջ՝ կտրուկ արգելակման պատճառով կրծքավանդակով ավտոմքենայի սրահի խցիկին հարվածելու հետևանքով:
Կատարվում է քննություն:
***
Ապրիլի 13-ին՝ ժամը 09.30-ի սահմաններում, Մայակովսկի գյուղի սկզբնամասում միմյանց են բախվել «Օպել» մակնիշի 2 ավտոմեքենաներ, ինչի հետևանքով երկրորդ «Օպել»-ի վարորդը մարմնական վնասվածքներով դիմել է հիվանդանոց:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: