Մարաշի բաժանմունքի քրեական հետախույզները ավազակության դեպք են բացահայտել
![Մարաշի բաժանմունքի քրեական հետախույզները ավազակության դեպք են բացահայտել Մարաշի բաժանմունքի քրեական հետախույզները ավազակության դեպք են բացահայտել](/timthumb?src=/resources/police/img/news/big/1703140315-8555.jpeg&q=75&w=780&wm=1)
Դեկտեմբերի 18-ին ՆԳՆ ոստիկանության օպերատիվ կառավարման կենտրոն զանգած տղամարդը հայտնել էր, որ անհայտ անձը կոտրում է հյուրանոցի իր սենյակի դուռը և խուլիգանական արարք կատարում:
Ոստիկանության Կենտրոնական բաժնից նշված հյուրանոց մեկնած օպերատիվ խումբը պարզել է, որ ոմն Մանուկ խփել է հաղորդում տված տղամարդու սենյակի դռանը և հնչեցրել հայհոյանքներ: Պարզվել է նաև, որ նա նոյեմբերի 20-ի ուշ երեկոյան ընկերոջ հետ մտել էին տղամարդու սենյակ, որտեղ ընկերը շշով խփել էր նրա գլխին, ձեռքերով և ոտքերով հարվածներ հասցրել, ապա հափշտակել էր հեռախոսը:
Ոստիկանության Մարաշի բաժանմունքի քրեական հետախույզները ձեռնարկած օպերատիվ-հետախուզական միջոցառումների շնորհիվ պարզել են նրանց ինքնությունը: 56-ամյա տղամարդը նույն օրը նշված հյուրանոցի մոտ հայտնաբերվել և տեղափոխվել է ոստիկանության Մարաշի բաժանմունք: Հետագա ձեռնարկած միջոցառումների և բացատրական աշխատանքի շնորհիվ դեկտեմբերի 19-ին Մարաշի բաժանմունք է ներկայացել 51-ամյա տղամարդը:
56-ամյա և 51-ամյա տղամարդիկ ձերբակալվել են: Նրանք և կազմված փաստաթղթերը ներկայացվել են նախաքննական մարմին:
Ձեռնարկվում են միջոցառումներ՝ գողոնը հայտնաբերելու ուղղությամբ:
Հանգամանքները պարզվում են:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: