Ծանր մարմնական վնասվածք պատճառած տղամարդը հայտնաբերվեց
![Ծանր մարմնական վնասվածք պատճառած տղամարդը հայտնաբերվեց Ծանր մարմնական վնասվածք պատճառած տղամարդը հայտնաբերվեց](/timthumb?src=/resources/police/img/news/big/1687854193-9585.jpeg&q=75&w=780&wm=1)
Հունիսի 21-ին, ժամը 01.00-ին, հիվանդանոցից ոստիկանության Քանաքեռ-Զեյթունի բաժին հաղորդում էր ստացվել, որ կրծքավանդակի կտրած-ծակած վերքով բուժօգնության է տեղափոխվել 30-ամյա երիտասարդ:
Ոստիկանության Քանաքեռ-Զեյթունի բաժնի ծառայողները պարզել են, որ ժամը 00.35-ին Դրոյի փողոցում տեղի ունեցած վիճաբանության ժամանակ անհայտ անձը կտրող-ծակող առարկայով խփել էր 30-ամյա երիտասարդին՝ պատճառելով մարմնական վնասվածք:
ՆԳՆ ոստիկանության Երևան քաղաքի վարչության և Քանաքեռ-Զեյթունի բաժնի քրեական հետախույզները համատեղ ձեռնարկած օպերատիվ-հետախուզական միջոցառումների շնորհիվ պարզել են, որ կենցաղային հարցերի շուրջ ծագած վիճաբանության ժամանակ հիվանդանոց տեղափոխված երիտասարդին մարմնական վնասվածքը պատճառել էր Դրոյի փողոցի 63-ամյա մի բնակիչ:
Ձեռնարկված միջոցառումների և բացատրական աշխատանքի շնորհիվ 63-ամյա տղամարդը ներկայացել է Քանաքեռ-Զեյթունի բաժին, որտեղ խոստովանել է արարքը: Նա ձերբակալվել և, կազմված փաստաթղթերի հետ, ներկայացվել է նախաքննական մարմին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: