Մեծ հայրենականի 94-ամյա վետերանին և նրա կնոջը ՀՀ քաղաքացու անձնագրեր հանձնվեցին
28.12.2013 15:23
Համակարգի լրատու
![Մեծ հայրենականի 94-ամյա վետերանին և նրա կնոջը ՀՀ քաղաքացու անձնագրեր հանձնվեցին Մեծ հայրենականի 94-ամյա վետերանին և նրա կնոջը ՀՀ քաղաքացու անձնագրեր հանձնվեցին](/timthumb?src=/resources/police/img/news/big/1388217393,2646.jpeg&q=75&w=780&wm=1)
1921 թ. ծնված Վազգեն Հովհաննիսյանը կնոջ` Լուսյա Հովհաննիսյանի հետ ավելի քան 17 տարի ՌԴ-ում անցկացնելուց հետո, ի վերջո, վերադարձել են հայրենիք և մոտ երկու տարի է, ինչ ապրում են մայրաքաղաքում գտնվող իրենց բնակարանում: Երկրորդ համաշխարհային պատերազմին մասնակցած և պատերազմի ողջ թոհուբոհով անցած մեծ հայրենասերը` Վազգեն Հովհաննիսյանը, 94 տարեկանում Հայաստանի քաղաքացի դառնալու և ՀՀ քաղաքացու անձնագիր ստանալու ցանկություն էր հայտնել:
Ոստիկանության Անձնագրային և վիզաների վարչության աշխատակիցները ոչ միայն մեծ պատրաստակամությամբ էին ընդառաջել նրան, այլև որոշել էին անձամբ այցելել պատերազմի վետերանին:
Դեկտեմբերի 27-ին ոստիկանության ԱՎՎ աշխատակիցները վարչության պետի տեղակալ, ոստիկանության փոխգնդապետ Արսեն Համբարձումյանի գլխավորությամբ այցելեցին Վազգեն Հովհաննիսյանի բնակարան և նրան հանձնեցին ՀՀ քաղաքացու անձնագիրը:
Օրը հիշարժան էր նաև նրանով, որ անձնագիր ստացավ նաև Վազգեն Հովհաննիսյանի կինը` տիկին Լուսյան:
Օգտվելով առիթից անձնագրայինի աշխատակիցները Ամանորի կապակցությամբ շնորհավորեցին տանտերերին:
![](/images/28-12-13-01.jpg)
![](/images/28-12-13-02.jpg)
![](/images/28-12-13-03.jpg)