Մեկ օրվա ընթացքում

«Կանեփ-կակաչ-2013» համալիր կանխարգելիչ միջոցառման շրջանակներում, ոստիկանության Երևան քաղաքի վարչության   ծառայողների կողմից ստացված օպերատիվ տվյալներն իրացնելիս,  ոստիկանության Մաշտոցի բաժնի  ծառայողների հետ համատեղ, օգոստոսի 19-ին, ժամը 15.00-ին, Բաշինջաղյան նրբանցքի թիվ 24 տանը կից ջերմոցում հայտնաբերվել և առգրավվել է 1959 թ. ծնված Ժիրայր Կ.-ի  աճեցրած կանեփի բույսի 3 թուփ` 4.5 կգ կշռով, որն ըստ Ժիրայր Կ.-ի բացատրության` ցանել, աճեցրել և մշակել է ինքը, հետագայում ծխելու միջոցով օգտագործելու համար:

Հայտնաբերվածն ուղարկվել է փորձաքննության:

Կատարվում է հետաքննություն:

 

***

 

«Կանեփ-կակաչ-2013» համալիր կանխարգելիչ միջոցառման շրջանակներում, ստացված օպերատիվ տվյալներն իրացնելիս,  ոստիկանության ԿՀԴՊ ԳՎ ԹԱՇԴՊՎ, Արարատի մարզային վարչության և Մասիսի բաժնի ծառայողները, թմրանյութ պահելու կասկածանքով, օգոստոսի 19-ին, ժամը 17.30-ին, Այնթապ գյուղի հարակից դաշտից բերման են ենթարկել 1952 թ. ծնված Ալեքսան Խ.-ին:

Ալեքսան Խ.-ի անձնական խուզարկությամբ` նրա ձեռքին հայտնաբերվել է արմատներից կտրված, կանեփի բույսի նմանվող 15 թուփ` մոտ 4 կգ 40 գ կշռով, որն ըստ նրա հայտարարության` քաղել է Այնթապ գյուղի հարակից դաշտից` որպես թմրամիջոց օգտագործելու համար:

Հայտնաբերվածն ուղարկվել է փորձաքննության:

Կատարվում է հետաքննություն:

 

***

 

«Կանեփ-կակաչ-2013» համալիր կանխարգելիչ միջոցառման շրջանակներում, օգոստոսի 19-ին ոստիկանության ԿՀԴՊ ԳՎ ԹԱՇԴՊՎ, Արարատի մարզային վարչության և Արտաշատի բաժնի ծառայողների կողմից Մխչյան, Դիմիտրով, Արաքսավան և Հովտաշեն գյուղերի վարչական տարածքներից հավաքվել և այրելու միջոցով ոչնչացվել է 630 կգ կանեփի բույսի կանաչ զանգված:

 

***

 

«Կանեփ-կակաչ-2013» համալիր կանխարգելիչ միջոցառման շրջանակներում, օգոստոսի 19-ին  ոստիկանության ԿՀԴՊ ԳՎ ԹԱՇԴՊՎ, Լոռու մարզային վարչության և Թումանյանի բաժնի ծառայողների կողմից Ախթալա, Շամլուղ քաղաքների ու Շնող, Թեղուտ, Ճոճկան, Մեծ Այրում, Քարկոփ, Նեղոց համայնքների վարչական տարածքներից հավաքվել և այրելու միջոցով ոչնչացվել է 2.500 կգ կանեփի բույսի կանաչ զանգված:

 

***

 

«Կանեփ-կակաչ-2013» համալիր կանխարգելիչ միջոցառման շրջանակներում, օգոստոսի 19-ին ոստիկանության ԿՀԴՊ ԳՎ ԹԱՇԴՊՎ, Կոտայքի մարզային վարչության և Չարենցավանի  բաժնի ծառայողների կողմից Չարենցավան քաղաքի և Կարենիս համայնքի տարածքներից հայտնաբերվել և այրելու միջոցով ոչնչացվել է 145 թուփ` 120 կգ կշռով վայրաճ կանեփի բույսի կանաչ զանգված:

 

***

 

«Կանեփ-կակաչ-2013» համալիր կանխարգելիչ միջոցառման շրջանակներում, օգոստոսի 19-ին   ոստիկանության ԿՀԴՊ ԳՎ ԹԱՇԴՊՎ, Շիրակի մարզային վարչության և Ախուրյանի բաժնի ծառայողների ու Ախուրյանի վետերանների կողմից Հացիկ, Շիրակ, Կամո, Կառնուտ, Արևիկ և Ախուրյան գյուղերի վարչական տարածքներից հավաքվել և այրելու միջոցով ոչնչացվել է 320 կգ կանեփի բույսի կանաչ զանգված:

 

***

 

«Կանեփ-կակաչ-2013» համալիր կանխարգելիչ միջոցառման շրջանակներում, օգոստոսի 19-ին   ոստիկանության ԿՀԴՊ ԳՎ ԹԱՇԴՊՎ, Սյունիքի մարզային վարչության և Գորիսի բաժնի ծառայողները, համագործակցելով տեղական ինքնակառավարման մարմինների հետ, Որոտան գյուղի հարակից տարածքներից հայտնաբերել և այրելու միջոցով ոչնչացրել են մոտ 210 կգ վայրաճ կանեփի բույսի կանաչ զանգված:

 

***

 

«Կանեփ-կակաչ-2013» համալիր կանխարգելիչ միջոցառման շրջանակներում, օգոստոսի 19-ին  ոստիկանության ԿՀԴՊ ԳՎ ԹԱՇԴՊՎ, Վայոց Ձորի մարզային վարչության և Վայքի բաժնի ծառայողների կողմից Արտավան, Սարավան և Սարալանջ գյուղերի հարակից հանդամասերից հավաքվել և այրելու միջոցով ոչնչացվել է 11 կգ կանեփանման բույսի կանաչ զանգված:

 

***

 

«Կանեփ-կակաչ-2013» համալիր կանխարգելիչ միջոցառման շրջանակներում, օգոստոսի 19-ին  ոստիկանության ԿՀԴՊ ԳՎ ԹԱՇԴՊՎ, Վայոց Ձորի մարզային վարչության և Ջերմուկի բաժնի ծառայողների կողմից Ձախափնյակ թաղամասի հարակից հանդամասերից հավաքվել և այրելու միջոցով ոչնչացվել է 3 կգ կանեփանման բույսի կանաչ զանգված: