Շենգավիթի քրեական հետախույզները գողության դեպքեր են բացահայտել ու հայտնաբերել հետախուզվողին (ՏԵՍԱՆՅՈՒԹ)

Ոստիկանության Շենգավիթի բաժնի քրեական հետախույզները բերման են ենթարկում բնակարանային գողությունների մեղադրանքով հետախուզվող 43-ամյա մի տղամարդու։ Դեպքերը, որոնց շրջանակներում տղամարդը հետախուզվում էր, տեղի էին ունեցել սեպտեմբերին Շենգավիթում։ Քրեական հետախույզներն օպերատիվ տվյալներ ունեին, որ բերման ենթարկվածը բացի հիշյալ գողություններից էլի է գողություն արել՝ այս դեպքում Արարատի մարզի Այգեզարդ գյուղում։ Տղամարդը ներկայացվել է տարածքային քննչական բաժին ու տվել խոստովանական ցուցմունք։ Դեպքերի հանգամանքները պարզվում են, գողոնը հայտնաբերելու միջոցառումներն էլ շարունակվում։