Ուժեղացված ծառայություն Արագածոտնի մարզում
![Ուժեղացված ծառայություն Արագածոտնի մարզում Ուժեղացված ծառայություն Արագածոտնի մարզում](/timthumb?src=/resources/police/img/news/big/1677762802-8355.jpeg&q=75&w=780&wm=1)
Ոստիկանության Արագածոտնի մարզային վարչության, Աշտարակի, Ապարանի, Թալինի և Արագածի բաժինների ծառայողները, ինչպես նաև պարեկային ծառայության Արագածոտնի մարզը սպասարկող գումարտակի ոստիկանները Արագածոտնի մարզում իրականացրել են ուժեղացված ծառայություն՝ հանցագործությունների և իրավախախտումների կանխման, հայտնաբերման ու բացահայտման նպատակով։ Հատուկ միջոցառման արդյունքում ստուգվել են մի շարք տրանսպորտային միջոցներ։ Հանցանք կատարած լինելու անմիջականորեն ծագած հիմնավոր կասկածի հիմքով ձերբակալվել և վերը նշված բաժիններ են տեղափոխվել մի խումբ անձինք։ Կատարվել են խուզարկություններ։ Հայտնաբերվել են ատրճանակ, սառը զենքեր, մարիխուանայի նմանվող զանգվածներ և այլն։ Դեպքերի հանգամանքները պարզվում են։ Նմանօրինակ ուժեղացված ծառայությունները պարբերական են։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: