Ճանապարհատրանսպորտային պատահարներ Հայաստանում
![Ճանապարհատրանսպորտային պատահարներ Հայաստանում Ճանապարհատրանսպորտային պատահարներ Հայաստանում](/timthumb?src=/resources/police/img/news/big/1651562261-9897.jpeg&q=75&w=780&wm=1)
Մայիսի 2-ին, ժամը 08.11-ին, Երևանի Տերյան և Մոսկովյան փողոցների խաչմերուկում իրար են բախվել «Միցուբիշի» և «Հունդաի» մակնիշի ավտոմեքենաներ. «Հունդաիի» 19-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 2-ին, ժամը 18.00-ին, Երևանի Դեմիրճյան փողոցում իրար են բախվել «Մերսեդես» և «Ֆորդ» մակնիշի ավտոմեքենաներ. «Ֆորդի» 46-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 2-ին, ժամը 20.40-ին, Երևանի Վաղարշյան և Սունդուկյան փողոցների խաչմերուկում «ԲՄՎ» մակնիշի ավտոմեքենայի վարորդը վրաերթի է ենթարկել 32-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 2-ին, ժամը 01.00-ի սահմաններում, Երևանի Շահումյան 18-րդ փողոցում «Ֆիատ» մակնիշի ավտոմեքենան կողաշրջվել է. 26-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 1-ին, ժամը 22.55-ին, Երևանի Թևոսյան փողոցում իրար են բախվել «Կիա» և «Օպել» մակնիշի ավտոմեքենաներ. «Օպելի» 4-ամյա ուղևորը մարմնական վնասվածքներով տեղափոխվել է հիվանդանոց:
Մայիսի 2-ին հիվանդանոց բուժօգնության է դիմել նաև «Օպելի» 30-ամյա ուղևորը:
Կատարվում է քննություն:
***
Մայիսի 2-ին, ժամը 09.25-ին, Երևանի Բադալ Մուրադյան փողոցում իրար են բախվել «Մերսեդես» և «Ռենո» մակնիշի ավտոմեքենաներ. «Մերսեդեսի» երեք ուղևորները և «Ռենոյի» 23-ամյա վարորդը մարմնական վնասվածքներով տեղափոխվել են հիվանդանոց:
Կատարվում է քննություն:
***
Մայիսի 2-ին, ժամը 11.15-ին, հիվանդանոց բուժօգնության դիմած 36-ամյա տղամարդը հայտնել է, որ մարմնական վնասվածքները ստացել է նախոդ օրը հողամասում ընկնելու հետևանքով:
Պարզվել է, որ մայիսի 1-ին, ժամը 15.30-ի սահմաններում, նրա վարած «ՎԱԶ-2103» մակնիշի ավտոմեքենան Վանանդ-Բագարան ճանապարհի դաշտամիջյան հատվածում կողաշրջվել է: Կատարվում է քննություն:
***
Մայիսի 2-ին, ժամը 18.15-ին, հիվանդանոց բուժօգնության դիմած 40-ամյա քաղաքացին հայտնել է, որ վնասվածքները ստացել է իրենց հացատան տանիքից ընկնելու հետևանքով:
Պարզվել է, որ նա վնասվածքները ստացել է ժամը 17.30-ի սահմաններում Վարդենիս-Սոթք ճանապարհին «Ֆոլքսվագեն Վենտո» մակնիշի ավտոմեքենայով ինքնավթարի ենթարկվելու հետևանքով:
Կատարվում է քննություն:
***
Մայիսի 2-ին, ժամը 11.45-ի սահմաններում Նոր Հաճն-Աբովյան ճանապարհի 1-ին կմ-ին իրար են բախվել «Օպել Զաֆիրա» և «Օպել Վեկտրա» մակնիշի ավտոմեքենաներ. «Օպել Վեկտրայի» 68-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 2-ին, ժամը 19.05-ի սահմաններում, Եղվարդ քաղաքի Երևանյան փողոցում իրար են բախվել «ՎԱԶ-21099» և «Մերսեդես» մակնիշի ավտոմեքենաներ. «Մերսեդեսի» 36-ամյա վարորդը և «ՎԱԶ 21099»-ի 38-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:
***
Մայիսի 2-ին, ժամը 17.20-ի սահմաններում, Մայիսյան կամուրջ-Նոյեմբերյան ճանապարհի 5-րդ կմ-ին «Մերսեդես» մակնիշի ավտոմեքենան դուրս է եկել երթևեկելի գոտուց, բախվել արգելապատնեշին և հայտնվել դաշտում. 41-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 2-ին, ժամը 20.30-ի սահմաններում, Երևան-Սևան-Իջևան ճանապարհի 120-րդ կմ-ին իրար են բախվել «Նիսան» և «ԳԱԶ» մակնիշի ավտոմեքենաներ. «ԳԱԶ»-ի 38-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: