Ճանապարհատրանսպորտային պատահարներ Հայաստանում
![Ճանապարհատրանսպորտային պատահարներ Հայաստանում Ճանապարհատրանսպորտային պատահարներ Հայաստանում](/timthumb?src=/resources/police/img/news/big/1651821290-2242.jpeg&q=75&w=780&wm=1)
Մայիսի 5-ին, ժամը 15.00-ին, 34-ամյա քաղաքացին բուժօգնության է դիմել հիվանդանոց և հայտնել, որ վնասվածքները ստացել է մայիսի 2-ին, ժամը 10.00-ին, Երևանի Արշակունյաց պողոտայում տեղի ունեցած ավտովթարի հետևանքով:
Կատարվում է քննություն:
***
Մայիսի 5-ին, ժամը 04.00-ին, հիվանդանոց բուժօգնության է դիմել 26-ամյա քաղաքացի և հայտնել, որ վնասվածքները ստացել է Երևանի Բաղրամյան պողոտայում տեղի ունեցած ավտովթարի հետևանքով:
Կատարվում է քննություն:
***
Մայիսի 5-ին, ժամը 01.30-ին, Երևանի Մայրաքաղաքային փողոցում «Օպել» մակնիշի ավտոմեքենան բախվել է բետոնե արգելապատնեշին. 51-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 5-ին, ժամը 19.20-ին, Երևանի Սեբաստիայի փողոցում՝ «Եռաբլուր» պանթեոնի կամարի մոտ, իրար են բախվել ավտոբուս և «Հոնդա» մակնիշի ավտոմեքենա. «Հոնդայի» 24-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 4-ին, ժամը 22.30-ին, Երևանի Աճառյան փողոցում իրար են բախվել «Հոնդա», «Նիսան», «Լենդ Ռովեր» և «Օպել» մակնիշի ավտոմեքենաներ. «Օպելի» 34-ամյա վարորդը և երկու ուղևորները, «Հոնդայի» 19-ամյա ուղևորը, «Լենդ Ռովերի» 53-ամյա ուղևորը մարմնական վնասվածքներով տեղափոխվել են հիվանդանոց։
Կատարվում է քննություն:
***
Մայիսի 5-ին, ժամը 04.40-ի սահմաններում, Արմավիր քաղաքում «Օպել» մակնիշի ավտոմեքենան դուրս է եկել ճանապարհի երթևեկելի գոտուց և կոտրելով ճաղավանդակները՝ հայտնվել ջրատարի մեջ. 33-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 5-ին, ժամը 12.30-ի սահմաններում, Արմավիրի մարզի Աղավնատուն գյուղ տանող ճանապարհին «Մերսեդես» մակնիշի ավտոմեքենան դուրս է եկել երթևեկելի գոտուց և բախվել ծառին. 34-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 5-ին, ժամը 18.30-ի սահմաններում, Սևան-Մարտունի-Գետափ ճանապարհի 72-րդ կմ-ին «Օպել» մակնիշի ավտոմեքենան դուրս է եկել երթևեկելի հատվածից և շրջվել. 24-ամյա վարորդը և 16-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:
***
Մայիսի 5-ին, ժամը 15.00-ի սահմաններում, Երևան-Իջևան ճանապարհի 65,5-րդ կմ-ին «Օպել» մակնիշի ավտոմեքենան դուրս է եկել երթևեկելի գոտուց և բախվել երկաթե արգելապատնեշին ու գազատար խողովակին. 33-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 5-ին, ժամը 19.45-ի սահմաններում, Հրազդան քաղաքի Զ. Անդրանիկի փողոցում «Տոյոտա» մակնիշի մեքենան կողաշրջվել է. 16-ամյա վարորդը և 52-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:
***
Մայիսի 5-ին, ժամը 17.30-ի սահմաններում, Սիսիան-Գորիս ճանապարհի 25-րդ կմ-ին «Մերսեդես» մակնիշի ավտոմեքենան դուրս է եկել երթևեկելի գոտուց և հայտնվել դաշտում. 24-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: