Գլխավոր էջ
ՆՈՐՈՒԹՅՈՒՆՆԵՐ
Օպերատիվ ամփոփագրեր
ՃՏ պատահարներ
Պատահարներ Երևանում և հանրապետության ավտոճանապարհներին

Պատահարներ Երևանում և հանրապետության ավտոճանապարհներին

23.07.2015 15:28 ՃՏ պատահարներ

Հուլիսի 22-ին, ժամը 12.50-ին, հիվանդանոցից ոստիկանությունում հաղորդում է ստացվել, որ ձախ ոտքի վնասվածքով բուժօգնության է դիմել 44-ամյա տղամարդ, ով հայտնել է, որ վնասվածքը ստացել է հուլիսի 21-ին Սևանի մայրուղու և Սևանի թերակղզի տանող ճանապարհի խաչմերուկում անհայտ ավտոմեքենայի վարորդի կողմից վրաերթի ենթարկվելու հետևանքով:

Տուժողը բուժօգնություն ստանալուց հետո հիվանդանոցից հեռացել է:

Կատարվում է քննություն:

***

Հուլիսի 22-ին, ժամը 12.30-ին, Երևանի Աճառյան փողոցի և Աճառյան 2-րդ նրբանցքի խաչմերուկում «ԲՄՎ» մակնիշի ավտոմեքենան բախվել է «Մերսեդես» մակնիշի ավտոմեքենայի:

«Մերսեդես»-ի վարորդը մարմնական վնասվածքներով տեղափոխվել է հիվանդանոց:

Կատարվում է քննություն:

***

Հուլիսի 22-ին, ժամը 21.30-ի սահմաններում, Կոտայքի մարզի Նոր Երզնկա գյուղից դեպի Աշտարակ տանող ճանապարհով երթևեկելիս «ԶԻԼ» մակնիշի ավտոմեքենան դուրս է եկել Երևան-Գյումրի ճանապարհի 22-րդ կմ-ի հատված և կողաշրջվել:

Պատահարի հետևանքով վարորդը և ուղևորը մարմնական վնասվածքներով տեղափոխվել են հիվանդանոց:

Կատարվում է քննություն:

***

Հուլիսի 22-ին, ժամը 10.30-ի սահմաններում, «Նիսան Նոթ» մակնիշի ավտոմեքենայի վարորդը Վաղարշապատի Մաշտոցի փողոցի թիվ 28 շենքի դիմաց վրաերթի է ենթարկել 44-ամյա տղամարդու, ով մարմնական վնասվածքներով տեղափոխվել է հիվանդանոց:

Կատարվում է քննություն:

***

Հուլիսի 22-ին, ժամը 05.00-ի սահմաններում, Երևան-Սևան ճանապարհի 20-րդ կմ-ին իրար են բախվել «Ֆոլքսվագեն Գոլֆ 3» և «ԶԻԼ-130» մակնիշի ավտոմեքենաներ:

«Ֆոլքսվագեն Գոլֆ 3»-ի վարորդը և ուղևորուհին մարմնական վնասվածքներով տեղափոխվել են հիվանդանոց:

Կատարվում է քննություն:

***

Հուլիսի 22-ին, ժամը 11.30-ի սահմաններում, «Սկանի» մակնիշի ավտոմքենայի վարորդը Գյումրիի Մուսայելյան փողոցի թիվ 78 հասցեի դիմաց վրաերթի է ենթարկել 78-ամյա կնոջ, ով մարմնական վնասվածքներով տեղափոխվել է հիվանդանոց:

Կատարվում է քննություն:

***

Հուլիսի 22-ին, ժամը 19.10-ի սահմաներում, Իջևանի Անկախության փողոցում «Լադա Պրիոռա» մակնիշի ավտոմեքենան բախվել է «ՎԱԶ-2121» մակնիշի ավտոմեքենային:

«ՎԱԶ-2121»-ի ուղևորը մարմնական վնասվածքներով տեղափոխվել է հիվանդանոց:

Կատարվում է քննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Պատահարներ Երևանում և հանրապետության ավտոճանապարհներին

ՀԻՄՆԱԿԱՆ