Տավուշի պարեկները հայտնաբերել են հետախուզվող մեքենա, ատրճանակներ, դանակ, մահակ
17.02.2023 17:30
Արձանագրված դեպքեր
![Տավուշի պարեկները հայտնաբերել են հետախուզվող մեքենա, ատրճանակներ, դանակ, մահակ Տավուշի պարեկները հայտնաբերել են հետախուզվող մեքենա, ատրճանակներ, դանակ, մահակ](/timthumb?src=/resources/police/img/news/big/1676640715-3556.jpeg&q=75&w=780&wm=1)
Փետրվարի լույս 17-ի գիշերը պարեկային ծառայության Տավուշի գումարտակի ոստիկանները Դիլիջան քաղաքի Թբիլիսյան խճուղում հայտնաբերել են ԴԱՀԿ հետախուզման մեջ գտնվող մի մեքենա։ Ընդ որում, տրանսպորտային միջոցն առանց տեխնիկական զննության էր։ Մեքենայում օդաճնշիչ և գազային 2 ատրճանակ, դանակ ու մահակ կար։ Տրանսպորտային միջոցը տեղափոխվել է ոստիկանության Դիլիջանի բաժնի պահպանվող հատուկ տարածք։ 44-ամյա վարորդը և դեպքի առթիվ կազմված փաստաթղթերը ներկայացվել են տարածքային քննչական բաժին։ Հանգամանքները քննությամբ պարզվում են։