Քանաքեռ-Զեյթունում ծառայություն իրականացրած պարեկները հայտնաբերել են մեթամֆետամին և մարիխուանա

Պարեկային ծառայության Երևանի գնդի ոստիկանները Քանաքեռ-Զեյթունում իրականացրած ծառայության ընթացքում ապօրինի թմրաշրջանառության դեպքեր են բացահայտել։ Մասնավորապես, փետրվարի 19-ին 4-րդ գումարտակի պարեկները մայրաքաղաքի Դավիթ Անհաղթի փողոցում ձերբակալել են 28-ամյա մի երիտասարդի: Նրա մոտ 3 փաթեթ կար՝ 3 գրամից ավելի բյուրեղանման զանգվածով։ Ըստ ձերբակալվածի՝ հայտնաբերվածը մեթամֆետամին է։ Նույն օրն ապօրինի թմրաշրջանառության հերթական դեպքը բացահայտեցին 1-ին գումարտակի պարեկները։ Նրանք մայրաքաղաքի Ռուբինյանց փողոցում ձերբակալեցին 17 և 19 տարեկան երկու երրիտասարդի, որոնցից մեկի խուզարկությամբ հայտնաբերվեց մարիխուանայի նմանվող զանգված։ Երկու դեպքում էլ ձերբակալվածները թմրամիջոցը ձեռք էին բերել տելեգրամյան ալիքով: Հանգամանքները նախաքննությամբ պարզվում են։