Պարեկները հայտնաբերել են «Մակարով»
14.09.2023 12:24
Արձանագրված դեպքեր
![Պարեկները հայտնաբերել են «Մակարով» Պարեկները հայտնաբերել են «Մակարով»](/timthumb?src=/resources/police/img/news/big/1694679930-8195.jpeg&q=75&w=780&wm=1)
Սեպտեմբերի 13-ին, առավոտյան ժամը 5-ին մոտ, մայրաքաղաքի պարեկները ծառայության ժամանակ Չարենցի փողոցում կանգնեցրել են «Մերսեդես» մակնիշի մի մեքենա, որի վարորդն իր մոտից նետել է ատրճանակի նմանվող առարկա:
Պարզվել է, որ նետած առարկան «Մակարով» տիպի մարտական ատրճանակ է, իսկ վարորդը` Կոտայքի մարզի Քասախ գյուղի բնակիչ, 45-ամյա մի տղամարդ: Ապօրինի զենք-զինամթերք պահելու և կրելու հիմնավոր կասկածանքով նա ձերբակալվել ու, մեքենայով հանդերձ, տեղափոխվել է ոստիկանության Մարաշի բաժանմունք: Մեքենան տեղափոխվել է բաժնի պահպանվող հատուկ տարածք, նախապատրաստված փաստաթղթերը փոխանցվել են քննչական բաժին: