Պարզաբանում

Դեկտեմբերի 5-ին  www.aravot.am կայքում հրապարակում է եղել «ՀՀ ոստիկանություն բերման ենթարկված հոլանդացին դիմելու է միջազգային լրատվամիջոցներին» վերնագրով: 

Ըստ հրապարակման` Հոլանդիայի քաղաքացի Ռիկ Ադրիանսի ընկերուհին բողոքում է, որ ինքը չի մասնակցել հավաքներին, իրեն ոստիկանություն են տարել ապօրինի, պահել 6 ժամ և այլն:

Նշենք, որ նշված քաղաքացին 1985 թ. ծնված, Նիդերլանդներ (Հոլանդիա) պետության քաղաքացի Հենդրիկ Մաարտեն Ադրիաանսն է, ով մի շարք այլ անձանց հետ, Վարչական իրավախախտումների վերաբերյալ ՀՀ օրենսգրքի պահանջները խախտելու համար, տարվել է ՀՀ ոստիկանության ԵՔՎ Մալաթիայի բաժին: Այդ անձանց թվում են եղել նաև ԱՄՆ քաղաքացի, 1977 թ. ծնված Վրեժ Ստեփանի Զատիկյանը և Կանադայի քաղաքացի, 1989 թ. ծնված Րաֆֆի Րիչարդի Էլլիոթը:

Չնայած այն հանգամանքին, որ Վարչական իրավախախտումների վերաբերյալ ՀՀ օրենսգրքի դրույթները տարածվում են նաև օտարերկրացիների վրա, այնուամենայնիվ ՀՀ ոստիկանության ներքին անվտանգության վարչությունում կատարվող ծառայողական քննության շրջանակներում ուսումնասիրվում է նաև վերոնշյալ հարցը: