Օպերատիվ իրավիճակը հանրապետությունում մայիսի 5-ից 6-ը

Ըստ ոստիկանության օպերատիվ հաղորդագրությունների ամփոփագրերի` մայիսի 5-ից 6-ը Հայաստանի Հանրապետության ոստիկանության տարբեր ստորաբաժանումների կողմից բացահայտվել է հանցագործության 33 դեպք, որից 3-ը՝ նախկինում կատարված։
Մասնավորապես՝ մարմնական վնասվածք հասցնելու՝ 8, խարդախության և ընտանեկան բռնության՝ 4-ական, անձնական ունեցվածքի գողության ու յուրացման կամ վատնման՝ 3-ական, հարկերից խուսափելու՝ 2, սպանության, խուլիգանության, թմրամիջոցի հայտնաբերման, թմրամիջոցի մաքսանենգության, գույքի դիտավորությամբ վնասման և սպանության սպառնալիքի 1-ական դեպք։
Հայտնաբերվել է 3 հետախուզվող։
Գրանցվել է զենք-զինամթերքի կամավոր հանձնման 3 դեպք։
Նախկինում կատարված հանցագործություններից բացահայտվել է պետական-հասարակական ունեցվածքի գողության, անձնական ունեցվածքի գողության և մարմնական վնասվածք հասցնելու 1-ական դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 8 պատահար, ինչի հետևանքով 1 մարդ զոհվել է, 12-ը՝ ստացել տարբեր աստիճանի մարմնական վնասվածքներ: