Հայտնաբերվել է խոշոր չափերի հասնող թմրամիջոց և «Մակարով» ատրճանակ (ՏԵՍԱՆՅՈՒԹ)
![Հայտնաբերվել է խոշոր չափերի հասնող թմրամիջոց և «Մակարով» ատրճանակ (ՏԵՍԱՆՅՈՒԹ) Հայտնաբերվել է խոշոր չափերի հասնող թմրամիջոց և «Մակարով» ատրճանակ (ՏԵՍԱՆՅՈՒԹ)](/timthumb?src=/resources/police/img/news/big/1487600443,8122.jpeg&q=75&w=780&wm=1)
Փետրվարի 20-ին ոստիկանության ԿՀԴՊ գլխավոր վարչության ԹԱՇԴՊ վարչության աշխատակիցները, ձեռնարկված միջոցառումների արդյունքում, թմրամիջոցներ ձեռք բերելու, իրացնելու և պահելու կասկածանքով մայրաքաղաքի Արգիշտի փողոցի թիվ 17 շենքի մոտից ոստիկանության Կենտրոնականի բաժին բերման են ենթարկել Գյումրիի բնակիչներ, 1979 թ. ծնված Արման Ոսկանյանին, 1986 թ. ծնված Յուրի Կեցեմոնյանին, 1975 թ. ծնված Ռուստամ Սարգսյանին, 1967 թ. ծնված Դալաթ Փարթոևին և ԻԻՀ քաղաքացի, 1976 թ. ծնված Աբուլֆազ Չաուշի Հասանին:
Ռուստամ Սարգսյանի վարած «Մերսեդես» մակնիշի ավտոմեքենայի զննությամբ հայտնաբերվել է կոնֆետի թղթերով փաթեթավորված, մուգ շագանակագույն, յուրահատուկ հոտով, ափիոնի նմանվող, 4 կիլոգրամից ավելի զանգված:
Արման Ոսկանյանի մոտից հայտնաբերվել է «Մակարով» տեսակի ատրճանակ՝ լիցքավորված ութ փամփուշտով, և երեք դեղահաբ, որոնցից մեկը՝ մանրացված:
Ըստ Ոսկանյանի՝ իր մոտից հայտնաբերված դեղահաբերը մեթադոն տեսակի թմրամիջոց են:
Առգրավվածն ուղարկվել է փորձաքննության:
Կատարվում է քննություն: